بعد خبر انفصالهما.. منة عرفة تعلن عودتها لزوجها محمود المهدي

بعد خبر انفصالهما.. منة عرفة تعلن عودتها لزوجها محمود المهدي

أعلنت الفنانة الشابة، منة عرفة، اليوم الأربعاء، انتهاء الخلاف الذي نشب مع زوجها محمود المهدي، بعد أن أعلن الأخير خبر انفصالهما على مواقع التواصل الاجتماعي مؤخرا.

وكتبت منة عرفة عبر حسابها على موقع “انستجرام”: “من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقه فبقى أبغض الحلال عند الله بالنسبة لكوا نكتة أو حاجة تتمسخروا عليها”.

وأضافت: “رهان بتعملوه مع بعض على اننا مش هنكمل!، أو مادة خام للشماتة فينا، خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي إلى ربنا ما يكتبها على أي ست مرحمتونيش ولا قدرتوا إني في موقف لا أحسد علیه وشمتانين فينا!! قد إيه أنتوا ناس متعرفوش ربنا ولا في قلوبكم رحمة، اتمنوا الخير لبعض يا جماعة بلاش نشمت في بعض”.

وتابعت: “لكن دي غلطتي أنا إني شاركتكوا حياتي الشخصية، الإنسان بيغلط عشان يتعلم وأنا اتعلمت، ربنا يعينكوا على نفسيتكوا الجحيم دى، وعسى أن تكرهوا شيئا وهو خير لكم، يمكن الخلاف إلى حصل كشف لنا ناس كتير حوالينا كانوا بيمثلوا انهم فرحانين لينا بس الحقيقى إنهم كانوا مستنين أول مشکلة عشان يشمتوا فى كسرتى وخراب بيتي”.

واختتمت منة: “بس والله ربنا مش هينولهلكو وربنا يخليلى أهلى وزوجى والناس اللي بتتمنالي الخير ووقفت جمبي”.

وكان الممثل محمود المهدي، قد كشف عن سبب إعلانه الانفصال عن منة عرفة، عبر خاصية “ستوري” بموقع “انستجرام” قائلا: “الناس اللي بتتصل وتسأل، خلاص كل حاجة قسمة ونصيب، وأنا كرجل شرقي صعيدي، في حاجات مش هتنفع معايا وهتوقفها عن شغلها وحلمها وأصدقائها في الوسط الفني”.

وأضاف المهدي: “فأكيد مش هقف في ده، وربنا يكرمها في المجال الفني وتوصل أعلى حاجة فيه، بالتوفيق للجميع”.

من جانبها أكدت منه خبر الانفصال، هي الأخرى عبر “ستوري” نشرتها على حسابها بموقع “إنستجرام”، حيث كتبت: “كل شيء قسمة ونصيب، تم الانفصال وربنا يوفق الجميع”.

موضوعات تهمك:

طلاق منة عرفة ومحمود المهدي يثير ضجة على مواقع التواصل الاجتماعي 

قد يعجبك ايضا