إندهاش .. قصيدة بالعامية المصرية

من سكة متباعه ببلاش
وقلق معشش فى الأوزين
وصفوف دموع مترصصين
مشوار سنين
كان مستقيم
ملوى تجاه كبد البطين
مطوى فى لقمة متهانين
ومعبى فاش
ساكن جيوب
المحرومين
حلم انسرق
م الطيبين
وفرح مجاش
ضارب طناش
مش فارقه كانت لقمتى
بغموس لضا
أو زرع جوفى ونخلتى
تحدف صدى
يبتز قطر محبتى
وبدون رضا
حلَّق وحاش
مشوشه ليه الوشوش
فى عيون ليالى مضلمه
بخطوط عروض متقسِّمهشعر
واقفه لكن.. متلصمه
مبدأ طناش
وعويل وزيف
دخان وكيف
ف بطون كبارى
وع الرصيف
متشعبطين
وف عركة الحزن الأمين
طلَّع لسانه للجبين
وعرض أمانى المحتاجين
فى مزاد بلاش
الا أونه .. و بفكر اللى طاش
الأرض لفت لفتين
هيلا هوب
روحنا وراحوا فين
الحيره دوخت العنين
كان الاندهاش

شعر : إيمان مصطفي قاسم _ مصر