أزمة جديدة في التريند أثارها هذه المرة الإعلامي المصري شريف مدكور الذي خرج في مقطع فيديو يتحدث فيه عن اقتراض الأموال، وذلك ليواجه انتقادات واسعة من الجمهور على خلفية هذا الفيديو الذي وصفوه بالمتعجرف، ومصنوع للشو والبعض اعتبره اثارة للاهتمام.
وكان شريف مدكور قد نشر مقطع فيديو يتخدث فيه عبر صفحته الشخصية بموقع فيسبوك قائلا: “صباح الخير .. يا ريت محدش يبعت يطلب مني إنه يستلف فلوس عشان أنا ضد الموضوع ده.. أنا عارف إن الحياه صعبة بس على قد لحافك مد رجليك.. شكرا”.
وعلى إثر ذلك المقطع انهالت التعليقات الناقدة والمهاجمة لشريف مدكور، حيث كتب أحد المعلقين: “انت فاكر نفسك مين يابني علشان تتنطط على الناس كدا، ربنا ما يحوج حد لحد”، بينما كتب آخر: “وهو يعني لما انت تطلع تقول كدا هنقول عليك روش وكدا، ما هنقول عليك جربوع وشبع بعد جوع”، بينما زاد البعض من حدة الانتقادات، وكتب آخر: “كل شوية يا شريف ابقى نزل كدا فيديوهات مثيرة ومفرقعة علشان نفتكر انك موجود”.
شريف مدكور يرد
بعد الانتقادات التي تعرض لها مدكور، خرج في تصريحات ليؤكد أنه يرفض منح السلف لمن لا يعرفهم، ولكنه لا يمانع أن يقوم بمنحها للأقرباء والأصدقاء لأنهم سيعيدونها له لاحقا،وقال في بث مباشر جديد عبر صفحته الشخصية: “الفيديو بعمله بسبب بوست خاص بموضوع (ماحدش يطلب مني فلوس) ناس كثيرة هاجمتني مش عارف ليه وبقى تريند، يعني إيه حد ماعرفوش يبعتلي على الفيسبوك -بيحصل لي كل يوم تقريبا- يقولي عايز استلف 50-100 ألف جنيه أولا اللي بيتزنق في فلوس عمره ما يبعت لحد مايعرفوش، هيبعت لأخوه أو لخاله أو لخالته وحد من أهله”.
وأضاف قائلا: “أنا شخص صريح وناس قالوا غليظ القلب وقلة أدب الحقيقة فلوسي بشقى بها إزاي أديها لحد ماعرفوش لكن لو أصحاب وأهلي هسلفه عشان عارف أنه هيرجعهالي، فإزاي واحده تقولي عايزه 100 ألف جنيه عشان اشتريت حاجات من ورا جوزي عشان هتفضح، هل يا جماعة دا طبيعي أو واحد يستلف 6 آلاف جنيه عشان سداد قسط الموبايل.. ليه اشتريته لما مش معاك فلوسه؟”.
وأشار إلى أن البعض أرسل له يقول: “خسارة فيك الدعاء اللي بدعهولك وأنت عيان”، مؤكدا أنه لم يطلب من أحد الدعاء له ولم يعلن عن مرضه، مشيرا إلى ان تعليقات الجمهور في منتهى السخافة: “عليقات الناس في منتهى السخافة أنا بوضح لو حد أعرفه من اللي حواليا عيني له لكن حد ماعرفهوش ومش صديق عندي على فيسبوك إزاي محبه فيّا بيطلب مني 100 ألف جنيه”،
وعلى الفيديو الجديد انتقد عدد كبير من الجمهور استمراره في إثارة الجدل، مؤكدين ان الكثير من المشاهير يصلهم رسائل ويتجاهلونها، ولكن شريف مدكور لديه رغبة في إثارة الجدل.
موضوعات تهمك:
