وتطرح سنبلات الشوق
تاخدنا لفوق
ونوصل نجمه سهرانه
ولسه قلوبنا حيرانه
ياعاشقه أنتي
اناالمعشوق
مصحبانا الحروف البكر
قصيده فيها اسمينا
وأنا درويش في حلقة ذكر
وعطرك فاح كياسمينه
يانعمه يجوز عليها الشكر
وقمره ياضي ليالينا
كتبت من القصايد الف
وأنا معاكي يتوه الحرف
غريق السحر في عينيكي
بيجذبني وادوب فيكي
مالاقي قد عشقك وصف
حد الحضور عدي الجمال
يمكن محال
نوصف ملايكه في يوم بشر
جايز قمر ليلة اكتمال
روحك كزهرة سوسنه
وقت الربيع
بيفوح عبيرها حاضن الصبح الجميل
عصفور كناريا طاير بين فرشات الزهور
عاشق أنا
ببراءة الطفل الوديع
البعد ويل
ولقاكي نور
بعد اشتياق روحي لهواك
لحظه لقاك
حق امتلاك
القلب في بعادك ماشاف
غير كل قسوه سنين عجاف
وكأنه راهب في اعتكاف
وفي كل تسبيحه وصلاه
الكون ملا
صوت الدعا
يلقي القلوب متجمعه
ويرد غيبة البعيد
حلمه الوحيد
يلمح في ضي الفجر عيد
واثق اكيد
أن اكتمال العشق في بعادك محال
عشقك حلال
من روحك اتسرسب ندي
بيبل ريق العطشانين
عشقك باقيلي طول المدي
مانساكي لو هتفوت سنين
حبك مع ولدتي ابتدي
هيموت مع موتي الحنين
شعر :محمد مفتاح _ مصر
