المحتويات
على باب مطار القاهرة
على باب مطار القاهرة
الشنطه كات مستنظره
تاخد ايديه
لأول درجه فوق سلم
الحلم اللي عاش دايما
بيحلم بيه
نسي نفسه
في أحضان جيه بتودع
وفاق على عينه بتندع
فمد ايديه
أخد لقطه مع حزنه
في آخر ركن من بلده
اللي كفرت بيه
وشال باسبوره والشنطه
أخد خطوه كدا برجليه
لأول درجه فوق سلم
الحلم اللي عاش دائما
بيحلم بيه.
لا أول واحد اتغرب
ولا أخر غريب سافر بلاد الجاز
عشان أمك
متوجعكيش بحدوته
كلامها مجاز
عشان أمي بتقلقني
بنظرتها على العكاز
عشان المهر والشقه
عشان الزفه والشبكه
عشان نفرح
لابد نحس بمشقه
عشان الساعة بتقول لي
ميعاد طيارتي بالدقه
فبستأذن
عشان خاطري
بلاش خدك
تبوسه دموعك الفضه
عشان من دمعي وحياتك
راح اتوضى.
جهنم انتي يا غربه
واحلامنا بتبقى ذنوب
باعافر لجل ما أرضى
وصابر بس مش أيوب
بيقتلنى الوقوف ساكن
وباحيا لما ابص لفوق
جهنم انتى يا غربه
لكن عن حلمي
مش راح اتوب.
***
للشاعر:منصر رجب – مصر
عضو نادى الأدب بمحافظة المنوفية
***
اقرأ/ي أيضا: عدنان الأسد جاسوسا لإسرائيل.. كيف أخفى “قصر حافظ” الفضيحة؟
اقرأ/ي أيضا: هل زيارة البابا للإمارات هي استمرار لأساسيات وسياسات الحروب الصليبية الغربية
اقرأ/ى أيضا: أهم الأخبار الفنية والثقافية فى العالم العربى والغربى هنا
عذراً التعليقات مغلقة