شن مطرب المهرجانات حمو بيكا، هجوما حادا على زميله المطرب عمر كمال، في بث مباشر عبر موقع التواصل الاجتماعي “انستجرام”.
وقال حمو بيكا، إن عمر كمال عرض عليه التعاون في أغنية، وأبرما اتفاقا بنشر الڤيديو كليب الخاص بها، إلا أنه قام بنشر ڤيديو كليب له مع شيماء مغربي.
وأضاف، أنه تحدث معه مجددا ليطلب منه نشر الفيديو كليب، ورد عليه بأنه سينشره بعد عودته من السفر، مشيرا إلى أنه التقى بـ”كمال” في مناسبة عيد ميلاد مؤخرا، وأكد له أنه سينشر الأغنية، لكنه لم يرد على اتصاله.
وقال حمو بيكا في البث المباشر: “أنا اتصلت بعمر كمال فوق الـ7 مرات ومردش عليا، وبقى يشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها يعني ربنا ثم أنا”.
وتابع: “وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه”.
واستطرد قائلا: “يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف”.
واختتم حمو بيكا: “أنا مش هقبل من عمر كمال أى اعتذار ولا أسف، والدنيا مش سايبة وهتدور، لأنها زى الموجة شوية تحت وشوية فوق، وأنا معايا ربنا”.
موضوعات تهمك:
حمو بيكا وأزمات السيارة الذهبية: كل التفاصيل
