اجمل بنات الكون .. قصيدة من شعر العامية
شعر : محمد عبد القوى حسن
من نن عيون القلب بتطلع
تملى الكاسات بالامنيات
وتوزع الضحكة العفية
لكل الكون
من ننى عيونها استبشر بكره الجاى
واضحك واقول والله جميلة البنت
البنت القموره الحلوه
بتطلع من قلب الورد
وتشطف عين الفجر الباسم
وانا راسم ليها صورة ف قلبى
فتاخدنى بايدها تفرجنى
على كل الازهار الوردية ف بستانها
وانا اقعد هايم تحت اشجار عنابها
وابوس الارض اللى تعدى عليها باقدامها
واغنى مواويل الهيمان
والطالع لعيون الكون فرحان
والباسم جدا متبسم للقدر اللى عطاه ورضاه
البنت دى الشطورة الامورة القمورة الحلوة
ست بنات الكون
مكنون ممنون انا بجمالها
ومتوضى من بحر عيونها
وطالع اصلى لربى واحمده واشكره
وادعيلها يخليها بطول العمر الغنواية
وبطول العمر الضلاية
ورداية روحى الصافية
اجمل بنات الكون
* * *
- قد يهمك أيضا
- شعر شعبي ليبي عاطفي
- صح النوع ياعرب قصيدة بالعامية المصرية
- حييوا معايا الثورة فى سوريا .. قصيدة بالعامية المصرية
- الشعر الشعبى الليبي فى وصفه للنساء
ونختار لكم من قسم البسطجى مجموعة مختارة لقراء الساعة 25 كلها رسائل رومانسية نتمنى ان تنال اعجابكم .
اجمل بنات الكون
عذراً التعليقات مغلقة